நடிகர் நட்டி புதிதாக நடிக்கும் படத்தில் ஷில்பா மஞ்சுநாத் இணைந்துள்ளதாக தகவல் வெளியாகியுள்ளது.
தமிழ் திரையுலகில் பிரபல நடிகர் நட்டி கடைசியாக தனுஷின் கர்ணன் படத்தில் வில்லனாக நடித்து அசத்தியிருந்தார். தற்போது இவர் புதுமுக இயக்குனர் ஹாரூன் இயக்கத்தில் உருவாகி வரும் படத்தில் நடித்து வருகிறார். சைக்கோ திரில்லர் கதையம்சம் கொண்ட இந்த படத்தில் நந்தினி, ப்ரீத்தி, பாரதா நாயுடு ஆகியோர் முக்கிய கதாபாத்திரங்களில் நடிக்கின்றனர். வேலன் புரொடக்ஷன்ஸ் தயாரிக்கும் இந்த படத்திற்கு கார்த்திக் ராஜா இசையமைக்கிறார்.
கிறிஸ்டோபர் இந்த படத்திற்கு ஒளிப்பதிவு செய்கிறார். இந்த படத்தின் படப்பிடிப்பு சென்னையில் விறுவிறுப்பாக நடைபெற்று வருகிறது. இந்நிலையில் இந்த படத்தில் நடிகை ஷில்பா மஞ்சுநாத் இணைந்துள்ளதாக தகவல் வெளியாகியுள்ளது. நடிகை ஷில்பா மஞ்சுநாத் காளி, இஸ்பேட் ராஜாவும் இதயராணியும் ஆகிய படங்களில் கதாநாயகியாக நடித்து பிரபலமடைந்தவர் என்பது குறிப்பிடத்தக்கது .