இவ்வளவு பெரிய எலுமிச்சையால் என்று அனைவரும் ஆச்சரியப்படும் அளவிற்கு கர்நாடக மாநிலத்தில் ஒரு எலுமிச்சை 2 கிலோ எடை இருந்துள்ளது. கர்நாடக மாநிலம், மைசூர் மாவட்டம் எச்.டி.கோட்டை தாலுகா சரகூரு அருகே உள்ள பீடரஹள்ளி கிராமத்தை சேர்ந்தவர், சனோஜ். பேக்கரி கடை நடத்தி வருகிறார். இவர் தனது வீட்டின் பின்புறத்தில் ஒரு எலுமிச்சை செடியை வளர்த்து வந்துள்ளார்.
அந்த செடியில் 3 எலுமிச்சை பழங்கள் தான் காய்த்துள்ளது. அதன் ஒன்றின் எடை 2 கிலோ 150 கிராம் என்ற அளவில் மற்ற 2 எலுமிச்சை பழங்களும் தலா 2 கிலோ எடை கொண்டதாக உள்ளது. இந்த ராட்சத எலுமிச்சை பழத்தை பார்க்க பலரும் அவரது வீட்டில் குவிகின்றனர். பொதுவாக இரண்டு கிலோவுக்கு எலுமிச்சை பழம் வாங்கினால் 40 பழங்கள் வரை கிடைக்கும். ஆனால் இங்கு ஒரு எலுமிச்சை பழம் 2 கிலோ எடை இருப்பதால் பலரும் வியப்புடன் பார்த்து செல்கின்றனர்.