பிரிட்டன் அரசு, ஆப்கானிஸ்தான் மாணவர்கள் தங்கள் நாட்டில் பயில அரசால் அளிக்கப்பட்டு வந்த ஸ்காலர்ஷிப்பை தற்காலிகமாக ரத்து செய்திருக்கிறது.
ஆப்கானிஸ்தான் மாணவர்கள், ஏற்கனவே தங்கள் நாட்டில் ஏற்பட்டுள்ள பிரச்சனைகளால் துயரத்தில் இருக்கிறார்கள். இந்நிலையில் பிரிட்டன் வெளியுறவு துறை அமைச்சகம், இவ்வாறு அறிவித்தது, அவர்களுக்குப் பெரும் அதிர்ச்சியை ஏற்படுத்தியிருக்கிறது.
Chevening ஸ்காலர்ஷிப் பெற்ற ஆப்கானிஸ்தான் மாணவர்கள், அடுத்த மாதத்திலிருந்து பிரிட்டனில் தங்கள் கல்வியை தொடங்க தயாராக இருந்தனர் என்பது குறிப்பிடத்தக்கது. ஆப்கானிஸ்தான் நாட்டில் பதற்றமான நிலை இருப்பதால், பிரிட்டிஷ் தூதரகத்தால் இந்த வருட ஸ்காலர்ஷிப் அளிக்கப்பட்ட ஆப்கானிஸ்தான் மாணவர்களுக்கு விசா அளிக்கும் பணிகளை மேற்கொள்ள முடியாது என்று வெளியுறவுத்துறை அமைச்சகம் அறிவித்திருக்கிறது.
Deeply disappointing to hear – on top of everything – that Afghans who received Scholarships from the UK government to study in the UK this year have now been told they will not be granted visas due to "administration issues". Surely someone can sort this out? pic.twitter.com/5Z5dgqLKJC
— Rory Stewart (@RoryStewartUK) August 14, 2021
இருப்பினும், இந்த வருடம் ஸ்காலர்ஷிப் வாங்கிய மாணவர்கள் அடுத்த வருடத்தில் தங்கள் படிப்பை தொடங்கலாம் என்று தெரிவிக்கப்பட்டுள்ளது. எனினும் இந்த வருடம் இத்திட்டம் ரத்து செய்யப்பட்டது, ஆப்கானிஸ்தானை சேர்ந்த 35 பேருக்கு பாதிப்பை ஏற்படுத்தியுள்ளது.