இந்தியாவின் மிகப்பெரிய பொதுத்துறை வங்கியான ஸ்டேட் பாங்க் ஆப் இந்தியா தனது வாடிக்கையாளர்களுக்கு அவ்வப்போது பல்வேறு சிறப்பு திட்டங்களை வழங்கி வருகிறது. அதன்படி சிறப்பு டெபாசிட் திட்டம் ஒன்றை தற்போது அறிவித்துள்ளது. இந்தத் திட்டத்தின் கீழ் தனிநபர்களும் மூத்த குடிமக்களும் அதிக லாபம் பெறலாம். இந்தத் திட்டம் எஸ்பிஐ பிளாட்டினம் டெபாசிட்ஸ் என்ற பெயரில் அறிமுகம் செய்யப்பட்டுள்ளது.
இதுபற்றி எஸ்பிஐ வெளியிட்டுள்ள அறிவிப்பில், 75வது சுதந்திர தின விழாவை முன்னிட்டு இந்த திட்டம் அறிமுகம் செய்யப்பட்டுள்ளது. இந்தத் திட்டத்தில் தனி நபர்கள் 75 நாள், 75 வாரம் மற்றும் 75 மாதம் வரையிலான டேர்ம் டெபாசிட்களுக்கு 0.15% கூடுதல் வட்டி பெற முடியும். இந்தத் திட்டத்தின் கீழ் 75 நாள், 525 நாள், 2,250 நாள் என காலவரம்பு களை வாடிக்கையாளர்கள் தேர்ந்தெடுக்கும் வசதியும் உள்ளது.
தற்போது 75 நாள் வரையிலான டெபாசிட்களுக்கு 3.90 சதவீத வட்டி வழங்கப்படுகிறது. ஆனால் சுதந்திர தின சிறப்பு திட்டத்தின் கீழ் 5 சதவீதம் கூடுதல் வட்டி வழங்கப்படுகிறது. இதனைப் போலவே ஒவ்வொரு திட்டத்திற்கும் 5 சதவீதம் கூடுதல் வட்டி உயர்த்தப்பட்டுள்ளது. இதனை வாடிக்கையாளர்கள் பயன்படுத்திக் கொண்டு பயன் பெறுங்கள் என்று அறிவித்துள்ளது.