சாலையில் சென்று கொண்டிருந்த லாரி திடீரென செயல்பாட்டை இழந்ததால் ரோட்டில் கவிழ்ந்து 2 ஓட்டுனர்களுக்கு காயம் ஏற்பட்டுள்ளது.
தர்மபுரி மாவட்டத்தின் வழியாக பெங்களூரில் இருந்து பெயிண்ட் ஏற்றிக்கொண்டு லாரி ஒன்று வந்துள்ளது. இந்த லாரியை ஓட்டுநரான துறை கண்ணன் என்பவர் ஓட்டி வந்துள்ளார். இந்நிலையில் இவருடன் மாற்று ஓட்டுனராக பூமாலை என்பவர் வந்துள்ளார். அப்போது கனவாய் வழியில் வந்து கொண்டிருக்கும் போது திடீரென ஓட்டுநரின் செயல்பாட்டை இழந்த லாரி சாலையில் தாறுமாறாக ஓடி கவிழ்ந்துள்ளது. இந்த விபத்தில் ஓட்டுநர்கள் இரண்டு பேரும் காயமடைந்துள்ளனர்.
அதன்பின் இது பற்றி தகவல் அறிந்த காவல்துறையினர் மற்றும் சுங்க வாடி ரோந்து படையினரும் விரைவாக வந்து விபத்தில் சிக்கிய 2 ஓட்டுநர்களையும் மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். இந்த விபத்தால் தேசிய நெடுஞ்சாலையில் போக்குவரத்து பாதிப்பு ஏற்பட்டுள்ளது. இதனைத் தொடர்ந்து சுங்கவாடி ரோந்து படையினர் மற்றும் காவல் துறையினர் இணைந்து பொக்லைன் இயந்திரம் மூலமாக லாரியை அப்புறப்படுத்தி போக்குவரத்தை சீர் செய்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.