நாடு முழுவதும் கொரோனா அச்சுறுத்தல் காரணமாக பள்ளி மற்றும் கல்லூரிகள் அனைத்தும் மூடப்பட்டுள்ளன. அதனால் கடந்த கல்வி ஆண்டு முழுவதும் மாணவர்களுக்கு ஆன்லைன் மூலமாகவே வகுப்புகள் நடத்தப்பட்டது. தற்போது அடுத்த கல்வியாண்டு தொடங்கி விட்டதால், பள்ளிகள் திறப்பது குறித்து ஆலோசிக்கப்பட்டு வருகிறது. அதன்படி பெரும்பாலான மாநிலங்களில் கொரோனா பாதிப்பு குறைந்து வருவதை அடுத்து, பள்ளிகள் திறப்பது குறித்து அறிவிப்பு வெளியிடப்பட்டு வருகிறது.
இந்நிலையில் உத்திரப்பிரதேச மாநிலத்தில் செப்டம்பர் 1 முதல் 1 ஆம் வகுப்பு முதல் 5 ஆம் வகுப்பு வரையிலான மாணவர்களுக்கு பள்ளிகள் திறக்கப்படும் என அம்மாநில அரசு அறிவித்துள்ளது. ஏற்கனவே 9 முதல் 12-ம் வகுப்பு வரை பள்ளிகள் திறக்கப்பட்ட நிலையில், ஆகஸ்ட் 23-ஆம் தேதி முதல் 6-8 ஆம் வகுப்பு வரை பள்ளிகள் திறக்கப்பட உள்ளது. மேலும் தமிழகத்தில் பள்ளிகள் திறப்பது குறித்து நாளை முதல்வர் தலைமையில் நடக்க உள்ள ஆலோசனைக்கு பிறகு அறிவிப்பு வெளியாக உள்ளது.