தென்னிந்திய சினிமாவில் அதிக சம்பளம் பெறும் முதல் நடிகர் என்ற சாதனையை தளபதி விஜய் படைப்பார் என்று தகவல் வெளியாகி உள்ளது.
தமிழ் திரையுலகில் முன்னணி நட்சத்திர நாயகனாக வலம் வருபவர் நடிகர் விஜய். இவருக்கு தமிழில் மட்டுமல்லாமல் ஆந்திரா, கேரளா, கர்நாடகா உள்ளிட்ட மாநிலங்களிலும் மிகப்பெரிய ரசிகர் பட்டாளம் உள்ளனர். நடிகர் விஜய் தற்போது நெல்சன் திலீப் குமார் இயக்கத்தில் பீஸ்ட் எனும் திரைப்படத்தில் நடித்து வருகிறார்.
இப்படத்தின் படப்பிடிப்பு தற்போது விறுவிறுப்பாக நடந்து வரும் நிலையில் விஜய் அடுத்ததாக நடிக்கும் தளபதி66 படம் குறித்து தகவல் வெளியாகியுள்ளது. அதன்படி தெலுங்கில் பிரபல இயக்குனராக வலம் வரும் வம்சி படிப்பள்ளி இயக்கத்தில், தில் ராஜூ தயாரிப்பில் தான் விஜய் தனது 66 ஆவது படத்தில் நடிக்க ஒப்பந்தமாகியுள்ளார் என்று கூறப்படுகிறது.
மேலும் இந்த படத்திற்காக அவர் 120 கோடி ரூபாய் சம்பளம் பேசியுள்ளதாகவும் தெரியவந்துள்ளது. இது குறித்த அதிகாரபூர்வ அறிவிப்பு வெளியானால் தென்னிந்திய திரையுலகிலேயே 120 கோடி சம்பளம் பெற்ற முதல் நடிகர் என்ற சாதனையை நடிகர் விஜய் படைப்பர்.