2024 நாடாளுமன்ற தேர்தலுக்கு இப்போதே தயாராகுங்கள் என்று காங்கிரஸ் தலைவர் சோனியா காந்தி தெரிவித்துள்ளார்..
காங்கிரஸ் இடைக்கால தலைவர் சோனியா காந்தி எதிர்கட்சி தலைவர்களுடன் காணொளி வாயிலாக ஆலோசனை மேற்கொண்டு வருகிறார்.. இந்த ஆலோசனை கூட்டத்தில் தமிழக முதல்வர் ஸ்டாலின், மகாராஷ்டிர முதல்வர் உத்தவ் தாக்கரே, மேற்கு வங்க முதல்வர் மம்தா பானர்ஜி, சிபிஐ தேசிய செயலர் டி ராஜா, சிபிஎம் பொதுச் செயலாளர் சீதாராம் யெச்சூரி, தேசியவாத காங்கிரஸ் தலைவர் சரத்பவார் உள்ளிட்ட 18 எதிர்க்கட்சி தலைவர்கள் பங்கேற்றுள்ளனர்..
இந்த ஆலோசனையின் போது முதல் கட்டமாக உரையாற்றிய காங்கிரஸ் தலைவர் சோனியா காந்தி, 2024 மக்களவை தேர்தலுக்கான திட்டமிடலை இப்போதே தொடங்க வேண்டும். 2024 ஆம் ஆண்டு மக்களவை தேர்தல் வரை எதிர்கட்சிகள் ஒற்றுமையுடன், ஒரே சிந்தனையுடன் தொடர வேண்டும். 2024 மக்களவை தேர்தலே நமது இலக்கு..
மழைக் கால கூட்டத்தொடர் நிறைவடைந்துள்ளது. மழைக்கால கூட்டத்தொடரை போன்று எதிர்கால நாடாளுமன்ற கூட்டத் தொடரிலும் அனைத்து எதிர்க்கட்சிகளும் ஒருங்கிணைந்து செயல்பட வேண்டும். “நமக்குள் பல்வேறு கருத்துகள் இருந்தாலும் நம் தேச நலனுக்காக, தேசத்தின் தேவைக்காக ஒன்றாக ஒரே குறிக்கோளுடன் இணைந்து செயல்பட வேண்டும்” என்று தெரிவித்துள்ளார்.