அஸ்வின் நடிப்பில் உருவாகியுள்ள அடிபொலி ஆல்பம் பாடல் வீடியோ வெளியாகியுள்ளது.
விஜய் டிவியில் ஒளிபரப்பான குக் வித் கோமாளி சீசன்- 2 நிகழ்ச்சியில் போட்டியாளராக கலந்து கொண்டு பிரபலமடைந்தவர் அஸ்வின். தற்போது இவருக்கு திரைப்படங்களில் நடிக்கும் வாய்ப்புகள் குவிந்து வருகிறது. அதன்படி என்ன சொல்ல போகிறாய் என்ற படத்தில் அஸ்வின் ஹீரோவாக நடித்து வருகிறார். மேலும் அஸ்வின் நடிப்பில் வெளியான குட்டி பட்டாஸ், லோனர், கிரிமினல் கிரஷ் போன்ற ஆல்பம் பாடல்கள் நல்ல வரவேற்பை பெற்றது.
தற்போது அடிபொலி என்கிற மியூசிக் ஆல்பத்தில் அஸ்வின் நடித்துள்ளார். இதில் அஸ்வினுக்கு ஜோடியாக குஷீ ரவி நடித்துள்ளார். சித்து குமார் இசையமைத்துள்ள இந்த பாடலை பிரபல மலையாள நடிகர் வினீத் ஸ்ரீனிவாசன் மற்றும் குக் வித் கோமாளி பிரபலம் சிவாங்கி இருவரும் இணைந்து பாடியுள்ளனர். இந்நிலையில் இன்று அடிபொலி ஆல்பம் பாடல் வெளியாகியுள்ளது. செம ஜாலியான இந்த வீடியோ பாடல் தற்போது ரசிகர்களை வெகுவாக கவர்ந்து வருகிறது .