கொரோனா இரண்டாவது அலை தீவிரமடைந்து வந்த நிலையில் இலங்கையில் ஊரடங்கு அமல்படுத்தப்பட்டது. இதனையடுத்து பாதிப்பு சற்று குறைந்ததால் ஊரடங்கில் தளர்வுகள் அளிக்கப்பட்டது. ஆனால் தற்போது சில நாட்களாகவே தொடர்ந்து பாதிப்பு எண்ணிக்கை உயர்ந்து வருகிறது. இதனால் கொரோனாப் பரவலை தடுக்க மருத்துவ வல்லுனர்கள், அரசியல் தலைவர்கள் மற்றும் வணிகர்கள் என பல தரப்பினரும் உடனடியாக ஊரடங்கு அமல்படுத்த கோரிக்கை விடுத்தனர்.
இதனையேற்றுக்கொண்ட அந்நாட்டு அரசு, ஆகஸ்ட் 30ஆம் தேதி வரை நாடு தழுவிய முழு ஊரடங்கு அமல் படுத்தப்படுவதாக அறிவித்துள்ளது. இந்த ஊரடங்கு காலத்தில் அனைத்து அத்தியாவசிய தேவைகளும் வழக்கம்போல் இயங்கும் என்றும் அந்நாட்டு சுகாதாரத்துறை தெரிவித்துள்ளது.