வீட்டின் பூட்டை உடைத்து நகை மற்றும் பணத்தை மர்ம நபர்கள் கொள்ளையடித்து சென்ற சம்பவம் அதிர்ச்சியை ஏற்படுத்தியுள்ளது.
சிவகங்கை மாவட்டத்தில் உள்ள வண்டவாசி பகுதியில் சொர்ண காளை என்பவர் வசித்து வருகிறார். இவருக்கு கன்னிமுத்து என்ற மனைவி உள்ளார். இந்த தம்பதிகளுக்கு 2 மகன்கள் இருக்கின்றனர். இந்த குடும்பத்தினர் வீட்டை பூட்டி விட்டு வெளியே சென்றுள்ளனர். இந்நிலையில் மர்ம நபர்கள் வீட்டின் கதவை உடைத்து பீரோவில் இருந்த தங்க நகை, வெள்ளி கொலுசு மற்றும் 10 ஆயிரம் ரூபாய் பணம் போன்றவற்றை திருடி விட்டு அங்கிருந்து தப்பி ஓடிவிட்டனர்.
இதனையடுத்து வெளியே சென்றுவிட்டு வீட்டிற்கு வந்த குடும்பத்தினர் மர்மநபர்கள் கொள்ளையடித்துச் சென்றதை அறிந்து அதிர்ச்சி அடைந்தனர். இதுகுறித்து சிவகங்கை நகர் குற்றப்பிரிவு காவல் நிலையத்தில் சொர்ண காளை புகார் அளித்துள்ளார். அந்த புகாரின்படி வழக்குப்பதிவு செய்த காவல்துறையினர் கொள்ளையடித்து சென்ற மர்ம நபர்களை வலைவீசி தேடி வருகின்றனர்.