நடிகர் சிரஞ்சீவியின் பிறந்தநாளை முன்னிட்டு அவர் நடிக்கும் புதிய படத்தின் டைட்டில் வெளியாகியுள்ளது.
தெலுங்கு திரையுலகில் முன்னணி நடிகராக வலம் வரும் சிரஞ்சீவி இன்று (ஆகஸ்ட் 22) தனது 66-வது பிறந்தநாளை கொண்டாடி வருகிறார். அவருக்கு ரசிகர்களும், திரையுலக பிரபலங்களும் சமூக வலைத்தளங்களில் வாழ்த்துக்கள் தெரிவித்து வருகின்றனர். இந்நிலையில் நடிகர் சிரஞ்சீவியின் பிறந்தநாளை முன்னிட்டு அவர் நடிக்கும் புதிய படம் குறித்த அறிவிப்பை பிரபல தெலுங்கு நடிகர் மகேஷ் பாபு தனது டுவிட்டர் பக்கத்தில் வெளியிட்டுள்ளார்.
Happy birthday @KChiruTweets garu🤗 Honoured to be unveiling the title of your film! #BholaaShankar, under the directorial skills of my good friend @MeherRamesh and my favourite producer @AnilSunkara1 garu
May the year ahead bring you great health and success. All the best sir! pic.twitter.com/U9czmnIK5I
— Mahesh Babu (@urstrulyMahesh) August 22, 2021
அதன்படி மெஹர் ரமேஷ் இயக்கும் இந்த படத்திற்கு ‘போலா சங்கர்’ என டைட்டில் வைக்கப்பட்டுள்ளது. மேலும் இந்த படத்தை அணில் சுங்கரா தயாரிக்கிறார் . மெஹர் ரமேஷ், சிரஞ்சீவி இணையும் முதல் படம் இதுதான் என்பது குறிப்பிடத்தக்கது. தற்போது நடிகர் சிரஞ்சீவி இயக்குனர் மோகன் ராஜா இயக்கத்தில் காட்பாதர் என்ற படத்தில் நடித்து வருகிறார். இந்த படம் மலையாளத்தில் வெளியாகி சூப்பர் ஹிட் அடித்த லூசிபர் படத்தின் தெலுங்கு ரீமேக் ஆகும்.