தமிழகத்தில் தளர்வுகளுடன் கூடிய ஊரடங்கு இன்றுடன் முடிவடைந்த நிலையில் மேலும் பல தளர்வுகளுடன் இரண்டு வாரங்களுக்கு நீட்டித்து முதல்வர் மு.க ஸ்டாலின் உத்தரவிட்டுள்ளார். அதன்படி இன்று காலை 6 மணி முதல் புதிய தளர்வுகளுடன் ஊரடங்கு அமலுக்கு வந்தது. அதன்படி இன்று முதல் 25 சதவீத இருக்கைகளுடன் திரையரங்குகள் திறக்க அனுமதி. பள்ளி கல்லூரிகள் செப்டம்பர் 1-ஆம் தேதி முதல் திறக்க அனுமதி வழங்கப்பட்டுள்ளது.
அதேபோலஇன்று முதல் அனைத்து கடைகளும் இரவு 10 மணி வரை இயங்க அனுமதி அளிக்கப்பட்டுள்ளது. மேலும் அனைத்து கடை உரிமையாளர்களும், பணியாளர்களும் கட்டாயமாக தடுப்பூசி செலுத்த வேண்டும் என்றும் உத்தரவிடப்பட்டுள்ளது. இதற்கு முன்னதாக இரவு 9 மணி வரை மட்டுமே கடைகள் செயல்பட அனுமதி அளிக்கப்பட்டிருந்தது குறிப்பிடத்தக்கது.