காத்துவாக்குல ரெண்டு காதல் படத்தின் படப்பிடிப்பு புகைப்படம் ஒன்று வெளியாகியுள்ளது.
தமிழ் திரையுலகில் முன்னணி நடிகராக வலம் வரும் விஜய் சேதுபதி நடிப்பில் உருவாகி வரும் திரைப்படம் காத்துவாக்குல ரெண்டு காதல். விக்னேஷ் சிவன் இயக்கும் இந்த படத்தில் நயன்தாரா, சமந்தா இருவரும் கதாநாயகிகளாக நடிக்கின்றனர். மேலும் இந்த படத்திற்கு அனிருத் இசையமைக்கிறார். சமீபத்தில் இந்த படத்தின் முதல் பாடல் வெளியாகி ரசிகர்களை வெகுவாக கவர்ந்தது. தற்போது இந்த படத்தின் இறுதிக்கட்ட படப்பிடிப்பு புதுச்சேரியில் விறுவிறுப்பாக நடைபெற்று வருகிறது.
மேலும் அவ்வப்போது காத்துவாக்குல ரெண்டு காதல் படத்தின் படப்பிடிப்பு புகைப்படங்கள் மற்றும் வீடியோக்கள் வெளியாகி இணையத்தில் வைரலாகி வருகிறது. இந்நிலையில் சமந்தா, நயன்தாராவுடன் நடிகர் விஜய் சேதுபதி பேருந்து படிக்கட்டில் நிற்பது போன்ற காட்சிகள் படமாக்கப்பட்டுள்ளது. தற்போது இதுகுறித்த புகைப்படம் ஒன்று வெளியாகி இணையத்தில் வைரலாகி வருகிறது.