கமல் மற்றும் சூர்யா இணைந்து புதிய படம் ஒன்றில் நடிக்க இருப்பதாக தகவல் வெளியாகி உள்ளது.
தமிழ் சினிமாவில் சமீப காலமாக ஒரே படத்தில் பல முன்னணி நடிகர்கள் நடித்து வருகின்றனர். அப்படி வெளியாகும் படங்களில் பல சூப்பர் ஹிட் ஆகி வருகின்றது. இந்நிலையில் பிரபல மலையாள இயக்குனரும், ஒளிப்பதிவாளருமான அமல் நீரத் இயக்கும் புதிய படத்தில் நடிகர் கமலஹாசனும், சூர்யாவும் இணைந்து நடிக்க இருப்பதாக தகவல் வெளியாகி உள்ளது.
இது குறித்து அமல் நீரத் சமீபத்தில் அளித்த பேட்டியில் கூறியதாவது, கமலஹாசன் மற்றும் சூர்யாவை மனதில் வைத்து புதிய திரைக்கதை ஒன்றை எழுதி இருக்கிறேன். இதுகுறித்து அவர்களிடமும் தெரிவித்தேன். இந்த படத்தில் சேர்ந்து நடிக்க அவர்களும் சம்மதம் தெரிவித்துள்ளனர் என்று கூறியுள்ளார். இத்தகவலை அறிந்த ரசிகர்கள் கமல் மற்றும் சூர்யா நடிப்பில் உருவாகும் புதிய படத்திற்காக ஆவலுடன் காத்துக் கொண்டிருக்கின்றனர்.