கிணற்றில் தவறி விழுந்து விவசாயி உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள முனைஞ்சிப்பட்டி பகுதியில் விவசாயியான தேவசகாயம் என்பவர் வசித்து வந்துள்ளார். இவருக்கு கீழகோடன்குளத்தில் சொந்தமான தோட்டம் உள்ளது. இந்நிலையில் தோட்டத்தில் உள்ள மின் மோட்டாரில் பழுது ஏற்பட்டதால் அதை கிணற்று பகுதியில் நின்று பார்த்துக் கொண்டிருந்தார். அப்போது தேவசகாயம் திடீரென கிணற்றில் தவறி விழுந்துள்ளார். இதனால் தேவசகாயம் கிணற்றில் தத்தளித்த நிலையில் பரிதாபமாக உயிரிழந்தார். இதனையடுத்து தேவசகாயம் நீண்ட நேரமாகியும் வீடு திரும்பாத காரணத்தால் அவரது குடும்பத்தினர் பல்வேறு இடங்களில் தேடியுள்ளனர்.
அதன்பின் தோட்டத்திற்கு சென்று பார்த்தபோது தேவசகாயம் கிணற்றில் விழுந்து உயிரிழந்தது தெரியவந்துள்ளது. இதுகுறித்து தீயணைப்பு வீரர்களுக்கு தகவல் தெரிவிக்கப்பட்டுள்ளது. அதன்பின் சம்பவ இடத்திற்கு விரைந்து சென்ற தீயணைப்பு வீரர்கள் சகாயத்தின் உடலை கைப்பற்றி பாளையங்கோட்டை ஐகிரவுண்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.