கட்டுப்பாட்டை இழந்த கார் மின்கம்பத்தில் மோதிய விபத்தில் மின் தடை ஏற்பட்டுள்ள சம்பவம் பரபரப்பை ஏற்படுத்தியுள்ளது.
திருநெல்வேலி மாவட்டத்திலுள்ள திசையன்விளை பகுதியில் கதிரேசன் என்பவர் வசித்து வருகிறார். இவர் தனது குடும்பத்தினருடன் காரில் திருப்பத்தூரில் இருந்து உப்பஞ்சம்பாட்டிற்கு சென்று கொண்டிருந்தார். இதனையடுத்து காரை திருப்பத்தூர் பகுதியில் வசிக்கும் பாலமுருகன் என்பவர் ஓட்டிச் சென்றுள்ளார். இந்நிலையில் பட்டரைகட்டிவிளை விளக்கு பகுதியில் கார் சென்று கொண்டிருந்த போது கட்டுப்பாட்டை இழந்து சாலையோரம் நின்ற 3 மின் கம்பங்கள் மீது அடுத்தடுத்து மோதி விபத்துக்குள்ளானது.
இதனால் அப்பகுதியில் மின்சாரம் தடைபட்டது. ஆனால் அதில் பயணம் செய்தவர்கள் அதிர்ஷ்டவசமாக உயிர்தப்பினர். இது குறித்து அருகிலுள்ளவர்கள் காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் வழக்குப்பதிவு விசாரணை நடத்தி வருகின்றனர்.