படகிலிருந்து தவறி கடலுக்குள் விழுந்த மீனவர் உயிரிழந்த சம்பவம் சோகத்தை ஏற்படுத்தியுள்ளது.
சென்னை மாவட்டத்தில் உள்ள காசி கோவில் குப்பம் பகுதியில் மீனவரான ஆறுமுகம் என்பவர் வசித்து வந்துள்ளார். இந்நிலையில் ஆறுமுகம் தனது உறவினர்களான மற்றொரு ஆறுமுகம் மற்றும் ராஜேந்திரன் ஆகியோருடன் கடலுக்குள் மீன்பிடிக்க சென்றுள்ளார். இவர்கள் மீன் பிடித்த பிறகு காலையில் மீண்டும் கரைக்கு திரும்பியுள்ளனர். இந்நிலையில் படகிலிருந்து எதிர்பாராதவிதமாக கால்தவறி ஆறுமுகம் கடலுக்குள் விழுந்து உயிருக்கு போராடி கொண்டிருந்தார்.
இதனை பார்த்து அதிர்ச்சி அடைந்த அருகில் இருந்தவர்கள் உடனடியாக அவரை மீட்டு கரைக்கு கொண்டு சென்றனர். ஆனால் மூச்சு திணறல் ஏற்பட்டதால் ஆறுமுகம் பரிதாபமாக உயிரிழந்து விட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று ஆறுமுகத்தின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.