இருசக்கர வாகனத்தின் மீது அரசு பேருந்து மோதிய விபத்தில் வாலிபர் உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள தளவாய்புரம் பகுதியில் பாலகிருஷ்ணன் என்பவர் வசித்து வருகிறார். இவருக்கு மதன்குமார் என்ற மகன் இருந்துள்ளார். கடந்த ஆகஸ்ட் 23 – ஆம் தேதியன்று இருசக்கர வாகனத்தில் மதன்குமார் சென்று கொண்டிருந்தார். அப்போது அந்த வழியாக வந்த அரசு பேருந்து எதிர்பாராதவிதமாக மதன்குமாரின் இருசக்கர வாகனத்தின் மீது மோதி விபத்துக்கு உள்ளானது.
இந்த விபத்தில் மதன்குமார் தலையில் பலத்த காயம் ஏற்பட்டுள்ளது. இதனை பார்த்ததும் அருகில் உள்ளவர்கள் மதன்குமாரை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் அங்கு மருத்துவர்கள் அளிக்கப்பட்ட சிகிச்சையின் பலனின்றி மதன்குமார் பரிதாபமாக உயிரிழந்து விட்டார். இது குறித்து தகவல் அறிந்த காவல்துறையினர் மதன் குமாரின் உடலை பிரேத பரிசோதனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.