நடிகர் ரஜினி அடுத்ததாக நடிக்கும் படத்தை பாண்டிராஜ் இயக்க இருப்பதாக தகவல் வெளியாகியுள்ளது.
தமிழ் திரையுலகில் கடந்த 2010-ஆம் ஆண்டு வெளியான பசங்க படத்தின் இயக்குனராக அறிமுகமானவர் பாண்டிராஜ். இந்த படம் மூன்று தேசிய விருதுகளை வென்றது. இதை தொடர்ந்து இவர் வம்சம், மெரினா, கேடி பில்லா கில்லாடி ரங்கா, கடைக்குட்டி சிங்கம் போன்ற பல சூப்பர் ஹிட் படங்களை இயக்கி முன்னணி இயக்குனராக உயர்ந்தார். தற்போது இயக்குனர் பாண்டிராஜ் சூர்யா கதாநாயகனாக நடிக்கும் எதற்கும் துணிந்தவன் படத்தை இயக்கி வருகிறார்.
இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் பாண்டிராஜ் அடுத்ததாக ரஜினியின் 169-வது படத்தை இயக்க இருப்பதாக தகவல் வெளியாகியுள்ளது. மேலும் இந்த படத்தை சன் பிக்சர்ஸ் நிறுவனம் தயாரிக்க இருப்பதாக கூறப்படுகிறது. இதுகுறித்த அறிவிப்புகள் விரைவில் வெளியாகும் என எதிர்பார்க்கப்படுகிறது. தற்போது நடிகர் ரஜினி சிவா இயக்கத்தில் அண்ணாத்த படத்தில் நடித்துள்ளார். இந்த படம் வருகிற நவம்பர் 4-ஆம் தேதி தியேட்டர்களில் ரிலீஸாக உள்ளது குறிப்பிடத்தக்கது.