தர்ஷன், லாஸ்லியா இணைந்து நடித்துள்ள கூகுள் குட்டப்பா படத்தின் டீஸர் வெளியாகியுள்ளது.
விஜய் டிவியில் ஒளிபரப்பான பிக்பாஸ் நிகழ்ச்சியின் மூன்றாவது சீஸனில் போட்டியாளராக கலந்து கொண்டு பிரபலமடைந்தவர் தர்ஷன். இந்த நிகழ்ச்சிக்கு பின் இவருக்கு படங்களில் நடிக்கும் வாய்ப்புகள் கிடைத்தது. அதன்படி தற்போது கூகுள் குட்டப்பா படத்தில் தர்ஷன் கதாநாயகனாக நடித்துள்ளார். இயக்குனர்கள் சபரி, சரவணன் இணைந்து இயக்கியுள்ள இந்த படத்தில் பிக்பாஸ் பிரபலம் லாஸ்லியா கதாநாயகியாக நடித்துள்ளார். மேலும் இந்த படத்தில் கே.எஸ்.ரவிக்குமார், யோகி பாபு ஆகியோர் முக்கிய கதாபாத்திரங்களில் நடித்துள்ளனர்.
கே.எஸ்.ரவிக்குமாரின் ஆர்.கே செல்லுலாய்ட் நிறுவனம் தயாரித்துள்ள இந்த படத்திற்கு ஜிப்ரான் இசையமைத்துள்ளார். இந்த படம் மலையாளத்தில் வெளியாகி சூப்பர் ஹிட் அடித்த ஆண்ட்ராய்டு குஞ்சப்பன் படத்தின் தமிழ் ரீமேக் ஆகும். இந்நிலையில் கூகுள் குட்டப்பா படத்தின் டீஸர் வெளியாகியுள்ளது. இந்த கலகலப்பான டீஸர் தற்போது ரசிகர்களை வெகுவாக கவர்ந்து வருகிறது.