அரண்மனை-3 படத்தின் முதல் பாடல் ரிலீஸ் தேதி அறிவிக்கப்பட்டுள்ளது.
தமிழ் திரையுலகில் முன்னணி இயக்குனராக வலம் வரும் சுந்தர்.சி இயக்கத்தில் வெளியாகி சூப்பர் ஹிட் அடித்த திரைப்படம் அரண்மனை. திகில் கலந்த நகைச்சுவை படமாக வெளியான இந்த படம் ரசிகர்களை வெகுவாக கவர்ந்தது. இதை தொடர்ந்து இந்த படத்தின் இரண்டாம் பாகம் வெளியாகி வெற்றி பெற்றது. தற்போது சுந்தர்.சி இயக்கத்தில் ‘அரண்மனை-3’ படம் உருவாகியுள்ளது. மிகப்பெரிய பட்ஜெட்டில் உருவாகியுள்ள இந்த படத்தில் ஆர்யா, ராஷி கண்ணா, சுந்தர்.சி, யோகி பாபு, விவேக், சாக்ஷி அகர்வால், மனோபாலா, நளினி உள்ளிட்ட பலர் நடித்துள்ளனர்.
#Ratatapata from #Aranmanai3 will rock your playlists from 30th August.Get ready for a swashbuckling song that will have you jolted with energy @khushsundar@Arya_offl #SundarC @RaashiiKhanna_ @iYogiBabu @ssakshiagarwal @uksrr @manobalam @CSathyaOfficial @FennyOliver pic.twitter.com/GffdJnd8IW
— KhushbuSundar (@khushsundar) August 28, 2021
மேலும் குஷ்பூ சுந்தர் தயாரித்துள்ள இந்த படத்திற்கு சத்யா இசையமைத்துள்ளார். இந்த படத்தின் படப்பிடிப்புகள் நிறைவடைந்து ரிலீஸுக்கு தயாராகி வருகிறது. இந்நிலையில் அரண்மனை-3 படத்தின் முதல் பாடல் ரிலீஸ் தேதியை படக்குழு அறிவித்துள்ளது. அதன்படி ஆகஸ்ட் 30-ஆம் தேதி இந்த படத்தின் முதல் பாடல் வெளியாகவுள்ளது.