நாகை மாவட்டம் வேளாங்கண்ணியில் புனித ஆரோக்கிய மாதா பேராலயம் உள்ளது. பல்வேறு சிறப்புகளைப் பெற்ற இந்த பேராலயத்தில் ஒவ்வொரு வருடமும் பெருவிழா ஆகஸ்ட் மாதம் 29ஆம் தேதி கொடியேற்றத்துடன் தொடங்கி செப்டம்பர் 8-ஆம் தேதி வரை 10 நாட்கள் நடைபெறும். செப்டம்பர் 7-ஆம் தேதி தேர்பவனி நடைபெறும். இந்த நிகழ்ச்சியில் லட்சக்கணக்கான பக்தர்கள் கலந்து கொள்வார்கள்.
இந்த வருடம் பெருவிழா இன்று கொடியேற்றத்துடன் தொடங்கி செப்டம்பர் மாதம் 8ஆம் தேதி வரை நடைபெற உள்ளது. திருவிழாவின் முக்கிய நிகழ்ச்சியான தேர்பவனி அடுத்த மாதம் 7ஆம் தேதி நடைபெற உள்ளது. கொரோனா பரவல் காரணமாக இந்த வருடம் பெரு விழாவில் பக்தர்கள் கலந்து கொள்ளமாட்டார்கள் என்று மாவட்ட நிர்வாகம் தெரிவித்துள்ளது. அதனால் பக்தர்கள் இன்றி கொடியேற்றம் நடைபெறும் என்று ஆலய நிர்வாகம் அறிவித்துள்ளது.