ஆக்ஸ்போர்டில் உள்ள புரூக்ஸ் பலகலைக்கழகத்தில் ஒரே பிரசவத்தில் பிறந்த நான்கு பேர் ஒன்றாக பட்டப்படிப்பை முடித்துள்ளனர்.
பிரித்தானியாவில் உள்ள ஆக்ஸ்போர்டு நகரில் புரூக்ஸ் பல்கலைக்கழகம் அமைந்துள்ளது. இந்த பல்கலைக்கழகத்தில் ஒரே பிரசவத்தில் பிறந்த நான்கு உடன்பிறப்புகள் ஒன்றாக படித்து பட்டம் பெற்றுள்ளனர். அவர்கள் நால்வரும் துபாயில் பிறந்துள்ளனர். அனைவருக்கும் வயது தற்போது 20 ஆகிறது. அதில் அபயா என்ற பெண், மீதி மூன்று சகோதரர்களின் பெயர்கள் அப்தெல்ரஹீம், ஒசாமா, அஹ்மத் ஷபான் போன்றோர் ஆவர். இவர்கள் நால்வரும் 2018 ஆம் ஆண்டில் ஆக்ஸ்போர்டில் உள்ள புரூக்ஸ் பல்கலைக்கழகத்தில் பயில்வதற்காக துபாயிலிருந்து வந்துள்ளனர். இவர்கள் நால்வரும் உட்புற கட்டிடக்கலை, கணக்கியல் நிதியம், சட்டம், வர்த்தகம்- மேலாண்மை போன்ற நான்கு விதமான துறைகளில் பட்டப்படிப்பு படித்துள்ளனர்.
இதில் ஒருவர் கூறியதில் “சகோதரர்களுடன் இருக்கும்பொழுது வாழ்க்கையே மிகவும் எளிதாக உள்ளது” என்று கூறுகிறார். மற்றொருவர் கூறும்பொழுது “உடன்பிறப்புகள் உடன் இருக்கும் பொழுதும் துபாயில் வீட்டின் நினைப்பாகவே இருந்தது” என்று கூறியுள்ளார். மேலும் சகோதரி ஒருவர் கூறியதில் “பல்கலைக்கழக முதலாம் ஆண்டில் எனக்கு உடம்பு சரியில்லாத நிலையில் மருத்துவமனையில் ஒரு மாதம் சிகிச்சை பெற்றேன். அப்பொழுது எனது சகோதரர்கள் தந்த ஆதரவில் தான் மீண்டு வந்தேன்” என்று கூறியுள்ளார். மேலும் நால்வரும் சிறப்பாக பட்டப்படிப்பை முடித்து தேர்ச்சி பெற்றதில் பல்கலைக்கழகம் மிகுந்த மகிழ்ச்சி அடைந்துள்ளது. இதனை சேர்ப்பு பிரிவின் துணை இயக்குனர் தெரிவித்துள்ளார்.