வீட்டின் கதவை உடைத்து மர்ம நபர்கள் பணம் மற்றும் தங்க நகையை கொள்ளையடித்து சென்ற சம்பவம் அதிர்ச்சியை ஏற்படுத்தியுள்ளது.
விழுப்புரம் மாவட்டத்தில் உள்ள முட்டத்தூர் பகுதியில் கருணாகரன் என்பவர் வசித்து வருகிறார். இந்நிலையில் கருணாகரன் தனது வீட்டை பூட்டி விட்டு குடும்பத்தினருடன் வெளியே சென்று விட்டார். இதனையடுத்து திரும்பி வந்து பார்த்தபோது வீட்டின் கதவு உடைக்கப்பட்டு இருந்ததை கண்டு கருணாகரன் அதிர்ச்சி அடைந்தார்.
அதன் பின் உள்ளே சென்று பார்த்த போது பீரோவில் இருந்த 2 பவுன் தங்க நகை, 7000 ரூபாய் பணம் போன்றவற்றை மர்ம நபர்கள் திருடி சென்றது தெரியவந்துள்ளது. இதுகுறித்து கருணாகரன் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றது.