விஜய் ஆண்டனி நடிக்கும் ‘பிச்சைக்காரன் -2’ படத்தின் படப்பிடிப்பு இன்று தொடங்கப்பட்டுள்ளது.
தமிழ் திரையுலகில் விஜய் ஆண்டனி நடிப்பில் கடந்த 2016-ஆம் ஆண்டு வெளியாகி சூப்பர் ஹிட் அடித்த திரைப்படம் பிச்சைக்காரன். சசி இயக்கியிருந்த இந்த படத்தில் சாட்னா டைட்டஸ், முத்துராமன், பகவதி பெருமாள் உள்ளிட்ட பலர் நடித்திருந்தனர். இந்த படத்திற்கு விஜய் ஆண்டனி இசையமைத்திருந்தார். தற்போது இந்த படத்தின் இரண்டாம் பாகம் உருவாக உள்ளது. மேலும் இந்த படத்தை தேசிய விருது வென்ற இயக்குனர் ஆனந்த் கிருஷ்ணன் இயக்குவார் என எதிர்பார்க்கப்பட்ட நிலையில் விஜய் ஆண்டனியே இந்த படத்தை இயக்க இருப்பதாக அறிவிப்பு வெளியானது.
தமிழ், தெலுங்கு ஆகிய மொழிகளில் உருவாகும் இந்த படத்தை நடிகர் விஜய் ஆண்டனி இயக்கி, நடித்து, தயாரித்து, இசையமைக்க இருக்கிறார் என்பது குறிப்பிடத்தக்கது. இந்நிலையில் இன்று (செப்டம்பர் 1) பிச்சைக்காரன்-2 படத்தின் படப்பிடிப்பு தொடங்கப்பட்டுள்ளதாக தகவல் வெளியாகியுள்ளது. விரைவில் இந்த படத்தின் அடுத்தடுத்த அப்டேட்கள் வெளியாகும் என எதிர்பார்க்கப்படுகிறது.