விஷால் நடிப்பில் உருவாகியுள்ள எனிமி படத்தின் இரண்டாவது பாடல் வெளியாகியுள்ளது.
தமிழ் திரையுலகில் முன்னணி கதாநாயகனாக வலம் வரும் விஷால் நடிப்பில் உருவாகியுள்ள திரைப்படம் எனிமி. ஆனந்த் சங்கர் இயக்கியுள்ள இந்த படத்தில் மிருணாளினி, மம்தா மோகன்தாஸ், கருணாகரன், பிரகாஷ் ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். மேலும் அதிரடி ஆக்ஷன் திரில்லர் கதையம்சம் கொண்ட இந்த படத்தில் ஆர்யா வில்லனாக நடித்துள்ளார். மினி ஸ்டுடியோ நிறுவனம் தயாரித்துள்ள இந்த படத்திற்கு தமன் இசையமைத்துள்ளார்.
தற்போது இந்த படத்தின் படப்பிடிப்புகள் நிறைவடைந்து பின்னணி பணிகள் விறுவிறுப்பாக நடைபெற்று வருகிறது. சமீபத்தில் இந்த படத்தின் டிரைலர் மற்றும் முதல் பாடல் வெளியாகி ரசிகர்களிடையே நல்ல வரவேற்பை பெற்றது. இந்நிலையில் எனிமி படத்தின் இரண்டாவது பாடல் வெளியாகியுள்ளது. ‘டும் டும்’ என்கிற இந்த கலக்கலான பாடல் தற்போது ரசிகர்களை வெகுவாக கவர்ந்து வருகிறது.