விவசாய கிணற்றில் ஆண் ஒருவரின் சடலம் கிடந்ததை கண்டு பொதுமக்கள் அதிர்ச்சி அடைந்துள்ளனர்.
திருப்பத்தூர் மாவட்டத்தில் உள்ள பூஞ்சோலை மற்றும் வக்கணம்பட்டி பகுதி வழியாக பொதுமக்கள் சென்றுள்ளனர். அப்போது அங்கிருந்து 60 அடி ஆழம் உள்ள விவசாய கிணற்றில் ஆண் சடலம் கிடந்ததை கண்டு அதிர்ச்சி அடைந்து காவல்துறையினருக்கு தகவல் தெரிவித்துள்ளனர். அந்த தகவலின் பேரில் சம்பவ இடத்திற்கு விரைந்து சென்ற காவல்துறையினர் கிணற்றிலிருந்து சடலத்தை மீட்க முயற்சி செய்துள்ளனர்.
ஆனால் காவல்துறையினரால் மீட்க முடியாத நிலையில் தீயணைப்புத் துறையினருக்கு தகவல் தெரிவிக்கப்பட்டுள்ளது. அந்த தகவலின் பேரில் தீயணைப்பு துறையினர் விரைந்து சென்று ஆணின் சடலத்தை மீட்டுள்ளனர். அதன்பின் அந்த சடலத்தை காவல்துறையினர் பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர்.
இது தொடர்பாக வழக்குப்பதிவு செய்த காவல்துறையினருக்கு யார் இவர், எந்த ஊரில் வசிப்பவர் என எந்த வித தடயமும் கிடைக்கவில்லை. இதனை தொடர்ந்து இறந்தவரின் உடலில் எந்த விதமான காயங்களும் இல்லாததால் இவர் தற்கொலை செய்து கொண்டாரா அல்லது வேறு ஏதேனும் காரணம் இருக்கிறதா என பல கோணங்களில் காவல்துறையினர் விசாரணை மேற்கொண்டு வருகின்றனர்.