சிவா நடிப்பில் உருவாகியுள்ள இடியட் திரைப்படம் இந்த மாதம் தியேட்டரில் ரிலீஸாக உள்ளது.
தமிழ் திரையுலகில் வெங்கட் பிரபு இயக்கத்தில் வெளியான சென்னை 600028 படத்தின் மூலம் நடிகராக அறிமுகமானவர் சிவா. இதை தொடர்ந்து இவர் தமிழ் படம், கலகலப்பு, வணக்கம் சென்னை போன்ற படங்களில் நடித்து பிரபலமடைந்தார். கடைசியாக இவர் நடிப்பில் வெளியான தமிழ்படம்- 2 ரசிகர்களிடையே நல்ல வரவேற்பை பெற்றது. தற்போது இவர் காசேதான் கடவுளடா ரீமேக் படத்தில் நடித்துள்ளார். மேலும் லொள்ளு சபா நிகழ்ச்சி மூலம் பிரபலமடைந்த ராம்பாலா இயக்கத்தில் சிவா கதாநாயகனாக நடித்துள்ள இடியட் படம் ரிலீஸுக்கு தயாராகி வருகிறது.
ஹாரர் காமெடி கதையம்சம் கொண்ட இந்த படத்தில் நிக்கிகல்ராணி, ஊர்வசி உள்ளிட்ட பலர் நடித்துள்ளனர். இந்த படத்தை ஸ்கிரீன் சீன் நிறுவனம் தயாரித்துள்ளது. சமீபத்தில் இந்த படத்தின் டீசர் வெளியாகி ரசிகர்களை வெகுவாக கவர்ந்தது. இந்நிலையில் இடியட் திரைப்படம் இந்த மாதம் (செப்டம்பர்) தியேட்டரில் ரிலீஸாகும் என படக்குழு அறிவித்துள்ளது.