கங்கனா ரனாவத் நடிப்பில் உருவாகியுள்ள தலைவி திரைப்படத்தின் பத்திரிக்கையாளர் சந்திப்பு இன்று சென்னையில் நடைபெற்றது. இதை முடித்த கங்கனா ரனாவத் எம்ஜிஆர், ஜெயலலிதா, கருணாநிதி நினைவிடத்தில் மரியாதை செலுத்தினார். ஏ.எல்.விஜய் இயக்கத்தில் கங்கனா ரனாவத் நடிப்பில் உருவாகியுள்ள படம் தலைவி. இந்த படம் மறைந்த முன்னாள் முதல்வர் ஜெயலலிதாவின் வாழ்க்கை வரலாற்றைக் கதையாகக் கொண்டு எடுக்கப்பட்டது. இந்த படத்தில் எம்ஜிஆர்ராக அரவிந்த்சாமி நடித்துள்ளார். நடிகை பூர்ணா, சமுத்திரகனி, மதுபாலா ஆகியோர் முக்கிய கதாபாத்திரத்தில் நடித்துள்ளார்.
ஜிவி பிரகாஷ் இந்த படத்திற்கு இசையமைத்துள்ளார். தமிழ், தெலுங்கு, ஹிந்தி என மூன்று மொழிகளில் இப்படம் தயாராகியுள்ளது. வரும் செப்டம்பர் 10ம் தேதி ரிலீசுக்கு வருகின்ற நிலையில் தலைவி திரைப்படத்தின் பத்திரிக்கையாளர் சந்திப்பு நிகழ்ச்சி இன்று சென்னையில் நடைபெற்றது. இதற்காக சென்னை வந்த நடிகை கங்கனா ரனாவத் மெரினா கடற்கரையில் உள்ள ஜெயலலிதா, எம்ஜிஆர் மற்றும் கருணாநிதி நினைவிடத்தில் அவர்களுக்கு மரியாதை செலுத்தினார்.