யுஎஸ் ஓபன் டென்னிஸ் போட்டியில் ஆடவர் ஒற்றையர் பிரிவு ஆட்டத்தில் செர்பியாவை சேர்ந்த ஜோகோவிச் வெற்றி பெற்று 4-வது சுற்றுக்கு முன்னேறியுள்ளார்.
கிராண்ட் ஸ்லாம் போட்டிகளில் ஒன்றான யுஎஸ் ஓபன் டென்னிஸ் போட்டி நியூயார்க் நகரில் நடைபெற்று வருகிறது. இதில் ஆடவருக்கான ஒற்றையர் பிரிவில் நடந்த 3-வது சுற்று ஆட்டத்தில் நம்பர் ஒன் வீரரான செர்பியாவை சேர்ந்த ஜோகோவிச் , ஜப்பான் வீரர் நிஷிகோரியை எதிர்கொண்டார்.
இதில் முதல் செட்டை 7-6 என்ற கணக்கில் நிஷிகோரி வென்றார் . இதனை சுதாரித்துக்கொண்ட ஜோகோவிச் அடுத்த மூன்று செட்களையும் கைப்பற்றி அசத்தினார் .இறுதியாக 6-7, 6-3, 6-3, 6-2 என்ற செட் கணக்கில் வெற்றி பெற்ற ஜோகோவிச் 4-வது சுற்றுக்கு முன்னேறியுள்ளார்.