சூர்யா தயாரிப்பில், முத்தையா இயக்கத்தில், கார்த்தி நடிக்கும் படத்தின் டைட்டில் லுக் போஸ்டர் வெளியாகியுள்ளது .
தமிழ் திரையுலகில் முன்னணி நடிகராக வலம் வரும் கார்த்தி தற்போது மணிரத்னம் இயக்கத்தில் உருவாகி வரும் பொன்னியின் செல்வன் படத்தில் நடித்து வருகிறார். இதைத் தொடர்ந்து இவர் முத்தையா இயக்கும் படத்தில் நடிக்க இருப்பதாக தகவல் வெளியானது. மேலும் இந்த படத்தை கார்த்தியின் அண்ணனும், நடிகருமான சூர்யா தனது 2டி என்டர்டெய்ன்மென்ட் நிறுவனம் மூலம் தயாரிக்க இருப்பதாக கூறப்பட்டது .
Excited to present our next with my @Karthi_Offl a beautiful family entertainer directed by @dir_muthaiya #Viruman #விருமன்@thisisysr @prakashraaj #Rajkiran @AditiShankarofl @sooriofficial @rajsekarpandian @selvakumarskdop @ActionAnlarasu @jacki_art @U1Records In cinemas 2022! pic.twitter.com/usjkRMNFO9
— Suriya Sivakumar (@Suriya_offl) September 5, 2021
இந்நிலையில் முத்தையா இயக்கத்தில் கார்த்தி நடிக்கும் படத்தின் டைட்டில் லுக் போஸ்டரை சூர்யா வெளியிட்டுள்ளார். அதன்படி இந்த படத்திற்கு ‘விருமன்’ என டைட்டில் வைக்கப்பட்டுள்ளது. ஏற்கனவே முத்தையா- கார்த்தி கூட்டணியில் வெளியான கொம்பன் படத்திற்கு ரசிகர்களிடையே நல்ல வரவேற்பு கிடைத்தது. தற்போது மீண்டும் இவர்கள் இணைந்துள்ளதால் இந்த படத்தின் மீது ரசிகர்கள் மிகுந்த எதிர்பார்ப்பில் உள்ளனர் .