கோயம்புத்தூர் மாவட்டம் மேட்டுப்பாளையம் முதல் உதகை வரை மலை ரயில் இயக்கப்பட்டு வருகிறது. இந்நிலையில் ரூபாய் 9 கோடி மதிப்பீட்டில் பொன்மலை ரயில்வே பணிமனையில் இருந்து இந்திய உபகரணங்களை கொண்டு தயாரிக்கப்பட்ட ரயில் என்ஜின் மேட்டுப்பாளையத்துக்கு நேற்று வந்தது, இந்த மலை ரயில் என்ஜின் சிறப்பம்சங்கள் என்னவென்றால், பர்னஸ் ஆயில் மூலம் இயக்கப்படுபவை.
முழுக்க, முழுக்க இந்திய உபரணங்களைக் கொண்டு திருச்சி பொன்மலை ரயில்வே பணிமனையில் தயாரிக்கப்பட்ட நிலக்கரியால் இயக்கப்படும் முதல் என்ஜின் ஆகும். இந்நிலையில், மேட்டுப்பாளையம் -உதகை மலை ரயில் சேவை நான்கு மாதங்களுக்கு பிறகு இன்று மீண்டும் தொடங்கியது. 7:10 மணிக்கு புறப்பட்ட நூற்றாண்டு பழமை வாய்ந்த மலை ரயிலில் சுற்றுலா பயணிகள் மகிழ்ச்சியுடன் பயணம் செய்கின்றனர். முன்பதிவு செய்த சுற்றுலா பயணிகளுக்கு மட்டுமே மலை ரயிலில் பயணம் செய்ய அனுமதி அளிக்கப்படுகிறது.