இருசக்கர வாகன விபத்தில் 3 பேர் படுகாயம் அடைந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள பாரைப்பட்டி பகுதியில் குணசேகர் என்பவர் வசித்து வருகிறார். இவருக்கு முருகன் என்ற மகன் உள்ளார். இவர் கடந்த செப்டம்பர் 5 – ஆம் தேதியன்று இருசக்கர வாகனத்தில் சென்று கொண்டிருந்த போது எதிரே வந்த வாகனம் மோதி விபத்து நேர்ந்துள்ளது. இந்த விபத்தில் முருகன் பலத்த காயமடைந்துள்ளார். இதனை பார்த்ததும் அருகில் இருந்தவர்கள் முருகனை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். இது குறித்து வழக்குப்பதிவு செய்த காவல்துறையினர் விபத்துக்கான காரணம் குறித்து தீவிர விசாரணை மேற்கொண்டு வருகின்றனர்.
இதனை தொடர்ந்து ரிசர்வ் லைன் பகுதியில் மெக்கானிக்கான சந்தோஷ் என்பவர் வசித்து வருகிறார். கடந்த செப்டம்பர் 5 – ஆம் தேதியன்று எஸ்.என்.புரம் பகுதியில் சந்தோஷ் தனது இருசக்கர வாகனத்தில் சென்று கொண்டிருந்தார். அப்போது எதிரே வந்த சித்திக் என்பவரின் இருசக்கர வாகனத்தின் மீது மோதி விபத்து நேர்ந்துள்ளது. இந்த விபத்தில் சந்தோஷ் மற்றும் சித்திக் இருவருக்கும் பலத்த காயம் ஏற்பட்டுள்ளது. இதனை பார்த்ததும் அருகில் இருந்தவர்கள் இருவரையும் மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.