அண்ணா பல்கலை வளாகத்தில் முன்னாள் குடியரசு தலைவர் அப்துல்கலாம் அவர்களுக்கு சிலை வைக்கப்படும் என்று அமைச்சர் சாமிநாதன் தெரிவித்துள்ளார்..
தமிழக சட்டப்பேரவையில் செய்தித்துறை மானிய கோரிக்கை மீதான விவாதத்தில் பேசிய செய்தித்துறை அமைச்சர் சாமிநாதன் பல்வேறு முக்கிய அறிவிப்பை வெளியிட்டார்.. அவர் வெளியிட்டதாவது, கிண்டியில் உள்ள அண்ணா பல்கலை வளாகத்தில் முன்னாள் குடியரசு தலைவர் அப்துல்கலாம் அவர்களுக்கு சிலை வைக்கப்படும். ராணிமேரி கல்லூரியில் ரவீந்திரநாத் தாகூருக்கு சிலை வைக்கப்படும்.. கடலூரில் சுதந்திர போராட்ட பெண் தியாகி அஞ்சலை அம்மாளுக்கு சிலை வைக்கப்படும்.
நலத்திட்ட உதவிகள் வழங்கும் வகையில், பத்திரிக்கையாளர் நல வாரியம் அமைக்கப்படும்.
பணிக்காலத்தில் இறக்கும் பத்திரிக்கையாளர் குடும்ப பொது நிவாரண நிதி 3 லட்சத்தில் இருந்து 5 லட்சமாக உயர்த்தப்படும். இளம் பத்திரிக்கையாளர்கள் உயர்கல்வி படிக்க, பயிற்சி பெற நிதியுதவி வழங்கப்படும்.. பத்திரிக்கையாளர்கள் மொழித்திறன், தொழில்நுட்பத்தில் சிறந்து விளங்க பயிற்சிகள் வழங்கப்படும் என்று தெரிவித்தார்..