கனடாவில் இளம்பெண் ஒருவர், தலையில் துப்பாக்கியால் சுடப்பட்ட காயங்களுடன் கிடந்த சம்பவம் பரபரப்பை ஏற்படுத்தியுள்ளது.
கனடாவில் உள்ள பிராம்டனில் இருக்கும் Ardglen Drive and Wilton Drive-ல் நேற்று முன்தினம் துப்பாக்கிசூடு தாக்குதல் நடந்துள்ளது. எனவே, காவல்துறையினருக்கு தகவல் தெரிவிக்கப்பட்டது. அதன்பின்பு, சம்பவ இடத்திற்கு காவல்துறையினர் சென்ற போது, அங்கு 19 வயதுடைய ஒரு இளம்பெண் தலையில் துப்பாக்கியால் சுடப்பட்டு பலத்த காயத்துடன் கிடந்துள்ளார்.
அவருக்கு, முதலுதவி அளிக்கப்பட்டது. அதனையடுத்து அவரை மருத்துவமனையில் அனுமதித்தனர். தற்போது அவருக்கு, சிகிச்சையளிக்கப்பட்டு வருகிறது என்று காவல்துறையினர் கூறியுள்ளார்கள். இச்சம்பவம் குறித்து பிற தகவல்கள் தெரிவிக்கப்படவில்லை. எனவே, காவல்துறையினர், இது தொடர்பில் தகவல் அறிந்தவர்கள் தங்களை அணுகுமாறு கூறியிருக்கிறார்கள்.