வேலை பார்த்து கொண்டிருந்த போது மின்சாரம் தாக்கி எலக்ட்ரீசியன் பலியான சம்பவம் சோகத்தை ஏற்படுத்தியுள்ளது.
தென்காசி மாவட்டத்திலுள்ள கடையம் பகுதியில் எலக்ட்ரீசியனான சதீஷ் என்பவர் வசித்து வந்துள்ளார். இந்நிலையில் சதீஷ் மின் வயரில் ஏற்பட்ட பழுதை சரிசெய்யும் பணியில் ஈடுபட்டு கொண்டிருந்த போது அவர் மீது மின்சாரம் பாய்ந்து விட்டது. இதனால் தூக்கி வீசப்பட்டு படுகாயமடைந்த சதீஷை அருகில் உள்ளவர்கள் மீட்டு அரசு மருத்துவமனைக்கு சிகிச்சைக்காக கொண்டு சென்றனர்.
ஆனால் அங்கு அவரை பரிசோதித்த மருத்துவர்கள் சதீஷ் ஏற்கனவே உயிரிழந்து விட்டதாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.