+2 துணைத்தேர்வு முடிவுகளை மதிப்பெண் பட்டியலாக செப்டம்பர் 13ம் தேதி முதல் பதிவிறக்கம் செய்து கொள்ளலாம் என்று அரசு தேர்வுகள் இயக்குனர் தெரிவித்துள்ளார். இது தொடர்பாக அவர் வெளியிட்டுள்ள செய்திக்குறிப்பில் தெரிவித்துள்ளதாவது: +2 துணைத்தேர்வு எழுதிய தேர்வர்கள், தேர்வு முடிவுகளை செப்டம்பர் 13 ஆம் தேதி காலை 11 மணி முதல் www.dge.tn.gov.in என்ற இணையதளத்திற்கு சென்று தங்களின் தேர்வு எண் மற்றும் பிறந்த தேதியை பதிவு செய்து ஆன்லைனில் பதிவிறக்கம் செய்து கொள்ளலாம்.
மேல்நிலை இரண்டாம் ஆண்டு துணை தேர்வு எழுதிய மாற்றுத்திறனாளி மாணவர்களுக்கு மதிப்பெண்கள் கணக்கிடப்பட்டு வழங்கப்பட்டுள்ளது. இவர்களும் செப்டம்பர் 13-ஆம் தேதி தங்களின் மதிப்பெண்களை பதிவிறக்கம் செய்து கொள்ளலாம். மேலும் விடைத்தாள் நகல், மறுகூட்டலுக்கு 15 16ஆம் தேதி உரிய கட்டணம் செலுத்தி பதிவு செய்யலாம். விடைத்தாள் நகல் பெற ஒவ்வொரு பாடத்திற்கும் ரூபாய் 275 கட்டணம் செலுத்தி பதிவு செய்ய வேண்டும் என்றும் தெரிவிக்கப்பட்டுள்ளது.