மயங்கி விழுந்து தொழிலாளி உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள கூடுதாழை பகுதியில் சிலுவை என்பவர் வசித்து வருகிறார். இவருக்கு ரவி என்ற மகன் இருந்துள்ளார். இவர் திசையன்விளை பகுதியில் மீன் மார்க்கெட்டில் மீன் வெட்டும் தொழில் செய்து வந்துள்ளார். இந்நிலையில் ரவி திசையன்விளை பேருந்து நிலையத்தில் மயங்கிய நிலையில் இறந்து கிடந்துள்ளார்.
இதனைப் பார்த்த அப்பகுதியில் சென்றவர்கள் இதுகுறித்து திசையன்விளை காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் ரவியின் உடலை உடனடியாக மீட்டு நெல்லை அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.