முயலை வேட்டையாடி 3 வாலிபர்களை வனத்துறையினர் கைது செய்துள்ளனர்.
பெரம்பலூர் மாவட்டத்தில் உள்ள வெண்பாவூர் வனப்பகுதியில் மர்ம நபர்கள் முயல்களை வேட்டையாடுவதாக வனத்துறையினருக்கு தகவல் கிடைத்துள்ளது. அந்த தகவலின் படி மாவட்ட வன அதிகாரி குகநேசன் உத்தரவின் படி அப்பகுதியில் வனத்துறையினர் தீவிர ரோந்து பணியில் ஈடுபட்டுள்ளனர். அப்போது 3 பேர் சந்தேகப்படும் படி அங்கு நின்றதை வனத்துறையினர் பார்த்துள்ளனர்.
பின்னர் பிடித்து விசாரணை செய்த போது அவர்கள் முரளி, வடிவேல் மற்றும் சந்தோஷ் என்பது தெரியவந்துள்ளது. இதனை தொடர்ந்து இவர்கள் 3 பேரும் இணைந்து முயலை வேட்டையாட முயற்சி செய்தது வனத்துறையினருக்கு தெரியவந்துள்ளது. மேலும் முயலை வேட்டையாடிய 3 பேரை வனத்துறையினர் கைது செய்து அவர்களிடம் இருந்த வலையை பறிமுதல் செய்து தீவிர விசாரணை மேற்கொண்டு வருகின்றனர்.