ஆந்திராவில் சாலையோர கடையில் இரண்டு போலீசார் துணிகளை திருடிய சிசிடிவி காட்சிகள் வெளியானதை தொடர்ந்து இருவரும் பணியிடை நீக்கம் செய்யப்பட்டுள்ளனர்.
ஆந்திர மாநிலம் சித்தூரில் நடைபாதையில் சிறு வியாபாரிகள் துணிக்கடை நடத்தி வரும் நிலையில் இரவு நேரத்தில் துணிகளை அங்கேயே தார்ப்பாய் போட்டு மூடிவிட்டு செல்வது வழக்கம். இந்நிலையில் கடந்த வாரம் நள்ளிரவில் அங்கு வந்த காவலர்களில் ஒருவர் நோட்டமிட்டபடி நிற்க, மற்றொருவர் மூடி வைக்கப்பட்டிருந்த மூட்டையில் இருந்து சில துணிகளை திருடிச் சென்றார்.
இந்த சம்பவம் அங்கு இருந்த சிசிடிவி கேமராவில் பதிவான நிலையில் இதுகுறித்து கடையின் உரிமையாளர் அளித்த புகாரின் அடிப்படையில் துணிகடையில் திருடிய ஆயுதப்படை அதிகாரி முகமது பாட்சா மற்றம் ஆயுதப்படை கான்ஸ்டபிள் ஆகியோரை பணியிடை நீக்கம் செய்து மாவட்ட எஸ்பி செந்தில்குமார் உத்தரவிட்டுள்ளார்.