அண்ணாத்த படத்தின் முதல் பாடல் ரிலீஸ் குறித்த தகவல் வெளியாகியுள்ளது.
தமிழ் திரையுலகில் முன்னணி கதாநாயகனாக வலம் வரும் ரஜினி நடிப்பில் சிவா இயக்கத்தில் உருவாகியுள்ள திரைப்படம் அண்ணாத்த. இந்த படத்தில் கீர்த்தி சுரேஷ், நயன்தாரா, குஷ்பூ, மீனா, சூரி, சதீஷ், ஜெகபதி பாபு உள்ளிட்ட பலர் முக்கிய கதாபாத்திரங்களில் நடித்துள்ளனர். சன் பிக்சர்ஸ் நிறுவனம் தயாரித்துள்ள இந்த படத்திற்கு டி.இமான் இசையமைத்துள்ளார். இந்த படம் வருகிற நவம்பர் 4-ஆம் தேதி ரிலீஸாக உள்ளது. இந்த படத்தைக் காண ரசிகர்கள் மிகுந்த ஆவலுடன் காத்துக் கொண்டிருக்கின்றனர் .
மேலும் கடந்த விநாயகர் சதுர்த்தி தினத்தில் அண்ணாத்த படத்தின் பர்ஸ்ட் லுக் மற்றும் மோஷன் போஸ்டர் வெளியாகி ரசிகர்களை வெகுவாக கவர்ந்தது. இந்நிலையில் இந்த படத்தின் முதல் பாடலை மறைந்த பாடகர் எஸ்.பி.பி-யின் முதல் வருட நினைவு தினம் அன்று (செப்டம்பர்-25) வெளியிட படக்குழு முடிவு செய்துள்ளதாக தகவல் வெளியாகியுள்ளது. இந்த பாடல் மறைந்த பாடகர் எஸ்.பி.பி ரஜினிக்காக பாடிய கடைசி பாடல் என்பது குறிப்பிடத்தக்கது.