வனப்பகுதியில் அத்துமீறி நுழைந்த 6 பேரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள குலுக்கம்பாறை வனப்பகுதியில் வனத்துறை ஊழியர்கள் தீவிர ரோந்து பணியில் ஈடுபட்டுள்ளனர். அப்போது அப்பகுதியில் 6 பேர் சுற்றி திரிந்து கொண்டிருந்தனர். இதனையடுத்து வனத்துறையினர் 6 பேரையும் மடக்கி பிடித்து தீவிர விசாரணை நடத்தினர்.
அந்த விசாரணையில் அவர்கள் தூத்துக்குடி பகுதியில் வசிக்கும் சந்தான செல்வன், சதீஷ்குமார், அந்தோணி கிரன், தாமஸ், ராஜ்குமார், செவியோ மேதா என்பதும் அவர்கள் வனப்பகுதிக்குள் அத்துமீறி நுழைந்ததும் வனத்துறையினருக்கு தெரியவந்துள்ளது. இதனைத் தொடர்ந்து வனத்துறையினர் அவர்கள் 6 பேரையும் கைது செய்ததோடு அவர்களிடமிருந்து தலா ரூ.20 ஆயிரம் வீதம் மொத்தம் ரூ.1 லட்சத்து 20 ஆயிரம் அபராதம் விதிக்கப்பட்டுள்ளது.