உலகின் செல்வாக்கு மிகுந்த 100 நபர்களின் பெயர்கள் கொண்ட பட்டியலை அமெரிக்கா நாளிதழ் வெளியிட்டுள்ளது.
உலகின் செல்வாக்கு மிகுந்த 100 நபர்களின் பட்டியலை அமெரிக்காவின் பிரபல நாளிதழ் ஒன்று வெளியிட்டுள்ளது. இது 2021 ஆம் ஆண்டுக்கான பட்டியலாகும். இந்தப் பட்டியலில் இந்தியா பிரதமர் நரேந்திர மோடி, மேற்கு வங்காள முதலமைச்சர் மம்தா பானர்ஜி, சீரம் இன்ஸ்டியூட்டின் முதன்மை செயல் அதிகாரியான ஆதர் பூனவல்லா போன்றோர் இடம் பிடித்துள்ளனர். மேலும் அமெரிக்கா அதிபர் ஜோ பைடன், துணை அதிபர் கமலா ஹாரிஸ், சீனா அதிபர் ஜி ஜின்பிங் போன்றோரும் இப்பட்டியலில் உள்ளனர்.
இவர்களை தொடர்ந்து இங்கிலாந்து இளவரசர் ஹாரி மற்றும் மேகன் தம்பதியினர், அமெரிக்கா முன்னாள் அதிபரான டொனால்ட் ட்ரம்ப் முதலியோரும் இருக்கின்றனர். குறிப்பாக தலீபான்கள் அமைப்பின் இணை நிறுவனரும் தற்பொழுதுள்ள இடைக்கால அரசின் துணை பிரதமருமான முல்லா அப்துல் கனி பரதர் இடம் பெற்றுள்ளார் என்பது குறிப்பிடத்தக்கது.