தமிழகத்தில் கொரோனா பாதிப்பு குறைந்து வந்ததை அடுத்து கடந்த செப்டம்பர் 1 ஆம் தேதி முதல் 9 – 12 ஆம் வகுப்பு வரையிலான மாணவர்களுக்கு பள்ளிகள் திறக்கப்பட்டு வகுப்புகள் நடந்து கொண்டிருக்கிறது.இதையடுத்து 1 முதல் 8 ஆம் வகுப்பு வரையிலான மாணவர்களுக்கு பள்ளிகள் திறப்பது குறித்து பள்ளிக்கல்வித்துறை அமைச்சர் முதன்மை அதிகாரிகளுடன் நேற்று முன்தினம் ஆலோசனை நடத்தினார். அது குறித்த அறிக்கை இன்று முதல்வர் அலுவலகத்திற்கு அனுப்பி வைக்கப்பட்டுள்ளது. கொரோனா வழிகாட்டு நெறிமுறைகளை பின்பற்றி விரைவில் பள்ளிகள் திறக்கப்படும் என்று அமைச்சர் அறிவித்துள்ளார். மேலும் தமிழகத்தில் 1 முதல் 8 ஆம் வகுப்பு வரையிலான மாணவர்களுக்கு பள்ளிகள் திறப்பது பற்றி 30ஆம் தேதி முடிவு வெளியிடப்படும் என அவர் கூறியுள்ளார்.
இந்நிலையில் 6 முதல் 8 ஆம் வகுப்பு வரையிலான மாணவர்களுக்கு அக்டோபர் முதல் வாரத்தில் பள்ளிகள் திறக்கப்பட உள்ளதாக பள்ளிக் கல்வித்துறை வட்டாரங்கள் தகவல் தெரிவித்துள்ளன. முதற்கட்டமாக 6 முதல் 8 ஆம் வகுப்பு வரையிலான மாணவர்களுக்கும், அதன்பிறகு சூழ்நிலையைப் பொறுத்து 1 முதல் 5 ஆம் வகுப்பு வரையிலான மாணவர்களுக்கு ம் பள்ளிகள் திறக்க அரசு முடிவு செய்துள்ளதாக தகவல் வெளியாகியுள்ளது.