சாலையை மறித்து காலநிலை ஆர்வலர்கள் போராட்டம் நடத்தியது குறித்து போக்குவரத்து செயலாளர் தனது ட்விட்டர் பக்கத்தில் பதிவிட்டுள்ளார்.
பிரித்தானியாவில் உள்ள Insulate Britain என்னும் காலநிலை ஆர்வலர்கள் வீட்டில் அதிகமான வெப்ப வெளியேறுதலை சுழியம் ஆக்குவதற்காக அந்நாட்டு அரசுக்கு தொடர்ந்து நெருக்கடி கொடுத்தும் பல்வேறு போராட்டங்களையும் நடத்தி வந்தனர். இந்த நிலையில் இன்று பருவநிலை மாற்றத்திற்கு எதிராகவும் தங்களது கோரிக்கையை நிறைவேற்றுமாறும் M25 சாலையை மறித்து Insulate Britain அமைப்பினர் போராட்டத்தில் ஈடுபட்டனர்.
அதுவும் இந்த வாரத்தில் அவர்கள் மூன்றாவது முறையாக M25 சாலையை மறித்து போராட்டம் நடத்தியுள்ளனர் என்பது கவனிக்கத்தக்கது ஆகும். மேலும் இது குறித்து பிரித்தானியா போக்குவரத்து செயலாளரான கிராண்ட் ஷாப்ஸ் தனது ட்விட்டர் பக்கத்தில் எச்சரிக்கை ஒன்றை விடுத்துள்ளார். அதில் “இந்த போராட்டமானது மிகவும் ஆபத்து நிறைந்தது ஆகும். இது அனைவருக்கும் நல்லதன்று.
மேலும் பருவநிலை மாற்றத்தை சமாளிக்க வேண்டும் என்று அனைவரும் ஒத்துக் கொள்கிறோம். அதற்காக இது போன்று போராட்டம் நடத்தி அதனை அடைய முடியாது. மேலும் இந்த போராட்டத்தினால் ஓட்டுநர்கள் மிகவும் சிரமத்திற்கு ஆளாகிறார்கள். அதுமட்டுமின்றி இதனால் சுற்றுச்சூழல் பாதிக்கப்படுகிறது. குறிப்பாக சாலைகளில் இருந்து போராட்டக்காரர்களை காவல்துறை விரைவாக அகற்ற நடவடிக்கை மேற்கொள்ள வேண்டும்” என்று பதிவிட்டுள்ளார்.