அரவிந்த் சாமி நடிப்பில் உருவாகியுள்ள கள்ளபார்ட் படத்தின் பர்ஸ்ட் லுக் போஸ்டர் வெளியாகியுள்ளது .
தமிழ் திரையுலகில் நட்சத்திர நாயகனாக வலம் வருபவர் அரவிந்த்சாமி . சமீபத்தில் கங்கனா ரனாவத் நடிப்பில் வெளியான தலைவி படத்தில் அரவிந்த்சாமி எம்.ஜி.ஆர் கதாபாத்திரத்தில் நடித்து அசத்தியிருந்தார். அடுத்ததாக இவர் என்னமோ நடக்குது, அச்சமின்றி போன்ற படங்களை இயக்கி பிரபலமடைந்த ராஜபாண்டி இயக்கத்தில் உருவாகியுள்ள ‘கள்ளபார்ட்’ படத்தில் கதாநாயகனாக நடித்துள்ளார். இந்த படத்தில் ரெஜினா கதாநாயகியாக நடித்துள்ளார். மேலும் பிரபல நடிகர் ஆனந்தராஜ் இந்த படத்தில் முக்கிய கதாபாத்திரத்தில் நடித்துள்ளார்.
மூவிங் பிரேம் பட நிறுவனம் சார்பாக எஸ்.பார்த்தி, எஸ்.எஸ்.வாசன் இருவரும் இணைந்து இந்த படத்தை தயாரித்துள்ளனர். தற்போது இந்த படத்தின் படப்பிடிப்புகள் நிறைவடைந்து ரிலீஸுக்கு தயாராகி வருகிறது. இந்நிலையில் கள்ளபார்ட் படத்தின் பர்ஸ்ட் லுக் போஸ்டர் வெளியாகியுள்ளது . வாயில் சிகரெட்டுடன் அரவிந்த்சாமி போஸ் கொடுத்துள்ள இந்த போஸ்டர் தற்போது இணையத்தில் வைரலாகி வருகிறது.