வடமாநிலத்தை சேர்ந்த இரண்டு இளைஞர்கள் 3 வயது சிறுவனை கடத்திய நிலையில் புகார் அளித்து 24 மணி நேரத்தில் காவல் துறையினர் அவர்களை கைது செய்துள்ளனர்.
சென்னை அம்பத்தூரை சேர்ந்த மித்லிஷ் குமார், துர்காதேவி என்ற தம்பதிக்கு 5 வயதில் விஷ்ணு என்ற மகனும், 3 வயதில் ஷியாம் என்ற மகனும் உள்ளனர். இந்த தம்பதிகள் நேற்று வழக்கம்போல் பணிக்கு சென்றுவிட்டு வீடு திரும்பியபோது மூன்று வயது மகன் வீட்டில் இல்லாததை கண்டு பெரும் அதிர்ச்சி அடைந்தனர். பின்னர் அவர்கள் வீட்டு மாடியில் குடியிருந்த பிரதேசத்தை சேர்ந்த சிவகுமார், மோனு என்ற இளைஞர்கள் அந்த குழந்தையை கடத்தி சென்றது தெரிய வந்தது.
இது குறித்து காவல்துறையில் புகார் அளிக்க தமிழ்நாடு எக்ஸ்பிரஸ் ரயிலில் அவர்கள் குழந்தையை கடத்தி சென்றது கண்டுபிடிக்கப்பட்டது. இது குறித்து நாக்பூர் காவல் துறைக்கு தகவல் தெரிவிக்கப்பட்ட நிலையில், அவர்கள் கடத்தலில் ஈடுபட்ட இருவரை கைது செய்தனர். இதையடுத்து தமிழ்நாடு காவல்துறையினர், குழந்தையின் தந்தையுடன் நாக்பூருக்கு விரைந்து சென்று குழந்தையை மீட்கும் நடவடிக்கையில் ஈடுபட்டுள்ளனர்.