வீட்டின் ஜன்னலை உடைத்து உள்ளே புகுந்த மர்ம நபர்கள் 4 பவுன் தங்க நகைகளை கொள்ளையடித்து சென்றுள்ளனர்.
நீலகிரி மாவட்டத்தில் உள்ள கோட்டாறு பகுதியில் சிவபாக்கியம் என்பவர் வசித்து வருகிறார். இந்நிலையில் சிவபாக்கியம் தனது வீட்டை பூட்டிவிட்டு உறவினர் வீட்டிற்கு சென்றுள்ளார். இதனையடுத்து திரும்பி வந்து பார்த்த போது வீட்டின் ஜன்னல் உடைக்கப்பட்டு இருந்ததை கண்டு சிவவாக்கியம் அதிர்ச்சி அடைந்தார்.
அதன் பின் உள்ளே சென்று பார்த்தபோது பீரோவில் இருந்த 4 பவுன் தங்க நகைகளை மர்ம நபர்கள் கொள்ளையடித்து சென்றது தெரியவந்துள்ளது. இதுகுறித்து சிவபாக்கியம் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மர்ம நபர்களை தீவிரமாக தேடி வருகின்றனர்.