வேலை பார்க்கும் இடத்தில் மோட்டார் பம்பை திருடிய தொழிலாளியை காவல்துறையினர் கைது செய்தனர்.
திருப்பூர் மாவட்டத்தில் உள்ள தாராபுரம் தலையூர் பிரிவு அருகில் தனியார் காற்றாலை நிறுவனம் செயல்பட்டு வருகிறது. இந்த நிறுவனத்தில் கண்ணன் என்பவர் பணிபுரிந்து வருகின்றார். இங்கு காற்றாலை அமைப்பதற்கு தேவையான உபகரணங்களை கன்டெய்னரில் வைத்து தேவைப்படும் போது எடுத்து விட்டு பூட்டி செல்வார்கள்.
இந்நிலையில் திடீரென கன்டெய்னரில் வைத்திருந்த மோட்டார் பம்ப் காணாமல் போய்விட்டது. இதுகுறித்து காவல்துறையில் வழக்குப்பதிவு செய்து விசாரணை மேற்கொண்டனர். அந்த விசாரணையில் மோட்டார் பம்பை திருடியது கண்ணன் என்பது காவல்துறையினருக்கு தெரியவந்தது. இதனையடுத்து காவல்துறையினர் கண்ணனை கைது செய்ததோடு அவர் பதுக்கி வைத்திருந்த மோட்டார் பம்மை பறிமுதல் செய்தனர்.